डोटी । डोटीमा ट्याक्टर दुर्घटना हुँदा एक जनाको मृत्यु भएको छ । जिल्लाको भिमदत्त राजमार्ग अन्तरगत जोरायल गाउँपालिका–१ घोरडीमा सुपप्र ०१००२ त ६७२३ नम्बरको ट्याक्टर बुधवार साँझ ८ बजेतिर दुर्घटनामा परेको हो ।

२४/२५ जना मजदुर बोकेर जोरायल गाउँपालिका–१ घोरडी देखि खटेना जाँदै गरेको ट्याक्टर दुर्घटना हुदाँ एक जनाको मृत्यु भएको छ, भने १९ जना घाइते भएका छन्।

दुर्घटनामा परि १८ वर्षका सालिन राना मास्केमगरको घटनास्थलमै मृत्यु भएको जिल्ला प्रहरी कार्यालय डोटीका प्रवक्ता, प्रहरी नायव उपरीक्षक निशान्त श्रीवास्तवले जानकारी दिए ।

प्रहरीका अनुसार घाइते भएका १९ जना मध्ये ४ जनाको अवस्था गम्भीर रहेको छ। गम्भीर घाइतेलाई उपचारका लागि धनगढी ल्याइएको छ भने बाँकीको स्थानीय स्वाथ्य संस्थामा उपचार भइरहेको छ।