काठमाडौँ । जस्मिन पेन्ट्सको उपभोक्ता योजना “चाडपर्वको उमङ्ग, जापान घुमौँ जस्मिन पेन्ट्ससँग” का विजेतालाई जापान भ्रमणको टिकट हस्तान्तरण गरिएको छ।

ब्रान्ड एम्बेसडर पारस खड्काको उपस्थितिमा गरिएको लक्की ड्रमार्फत बाँकेको कोहलपुर–कौशिलानगरकी देवी बुढा विजेता छनोट भएकी थिइन्। कोहलपुरस्थित एस.के. ट्रेडर्स एण्ड सप्लायर्समा आयोजित कार्यक्रममा कम्पनीका निर्देशक सौगात अर्याल र कन्ट्री म्यानेजर डिल्लीराम पौडेलले बुढालाई जापान भ्रमणको टिकट हस्तान्तरण गरे।

३२ वर्षदेखि रङ उत्पादन गर्दै आएको जस्मिन पेन्ट्सले ग्राहकलाई पुरस्कृत गर्ने उद्देश्यले योजना सञ्चालन गरेको जनाएको छ। “नेपाली मनको रङ” भन्ने नारासहित कम्पनीले आगामी दिनमा पनि गुणस्तरीय उत्पादन देशभर उपलब्ध गराउने प्रतिबद्धता व्यक्त गरेको छ।