काठमाडौं । गैरआवासीय नेपाली संघ (एनआरएनए)ले शुक्रबार राति जाजरकोट केन्द्रबिन्दु भएर गएको भूकम्पबाट प्रभावितलाई राहतका लागि तत्काल १० लाख रुपैयाँ दिने भएको छ।

शनिबार बिहान एक बिज्ञेप्तिमार्फत एनआरएनएले भूकम्पले भएको मानविय र भौतिक क्षतिप्रति दु:ख व्यक्त गदै उक्त रकम सरकारको राहत कोषमा तत्काल उपलब्ध गराउने प्रतिबद्धता जनाएको हो ।

साथै, भूकम्प प्रभावित क्षेत्रमा प्रभावकारी उद्धार तथा राहतका लागि आर्थिक सहयोग संकलन तथा अन्य आवश्यक कार्यमा यथाशक्य छिटो जुट्न संघका सबै राष्ट्रिय समन्वय परिषद्हरु तथा विदेशमा रहेका गैरआवासीय नेपालीहरुलाई एनआरएनएले आग्रह गरेको छ।

शुक्रबार जाजरकोट केन्द्रविन्दु बनाएर ६ दशमलव ४ म्याग्निच्युडको भूकम्प गएको थियो । भूकम्पमा परी हालसम्म एक सयभन्दा बढीको ज्यान गएको छ भने सयौँको सङ्ख्यामा घाइते भएका छन् ।