काठमाडौं । दुई वाणिज्य बैंकको संस्थापक शेयर बिक्रीमा राखिएको छ।

प्रभु बैंक र हिमालय बैंकको ४ लाख १० हजार १८८ कित्ता संस्थापक शेयर बिक्रीमा राखिएको हो। जसमा प्रभु बैंकको ३ लाख ३२ हजार १४६ कित्ता र हिमालयन बैंकको ७८ हजार ४२ कित्ता रहेको छ।

दुवै बैंकको बिक्रीमा राखिएको शेयरमा हाललाई विद्यमान संस्थापक शेयरधनीहरुले मात्रै खरिद आवेदन दिन पाउनेछन्। यसका लागि ३५ दिनको अवधि राखिएको छ ।

इच्छुक संस्थापक शेयरधनीले शेयर खरिदका लागि प्रभु बैंकको काठमाडौंको बबरमहलस्थित केन्द्रीय कार्यालय र हिमालयन बैंकको काठमाडौंको कमलादीस्थित केन्द्रीय कार्यालयमा आवेदन दिन सक्नेछन्।