काठमाडौं । त्रिभुवन विमानस्थल भन्सार कार्यालय र नेपाल टेलिकमबीच भन्सार एरियामा उच्च गतिको नि:शुल्क फोन कल सुविधा उपलब्ध गराउन सम्झौता भएको छ।

आइतबार यी दुई कार्यालयबिच सम्झौता भएको हो । सम्झौता अनुसार भन्सार चेकजाँचपछि जुनसुकै यात्रुले आफ्नो पहिचान खुलाई नि:शुल्क इन्टरनेट सेवा साथै फोन सेवा उपयोग गर्न सक्नेछन् ।

यस सम्झौताबाट नेपालको सिम कार्ड नभएका तथा फोन नभएका यात्रु ,पर्यटक तथा सम्पूर्ण सेवाग्राही लाभान्वित हुने अपेक्षा रहेको त्रिभुवन विमानस्थल भन्सार कार्यालयले जनाएको छ ।