काठमाडौं। सार्वजनिक खरिद अनुगमन कार्यालयले २२ वटा कम्पनीलाई कालोसूचीमा राखेको छ। २२ वटा कम्पनीलाई न्यूनतम १ वर्षदेखि अधिकतम् ३ वर्षसम्मका लागि कालो सूचीमा राखिएको हो। 

साेमबार एओक सुचना जारी गर्दै सार्वजनिक खरिद ऐन, २०६३ को दफा ६३ को उपदफा (१) बमोजिम सूचना प्रकाशित भएको मितिदेखि लागु हुनेगरी २२ वटा कम्पनीलाई कालोसूचीमा राखिएको जनाएकाे हो । 

४ वटा कम्पानीलाई ३ वर्ष, एउटालाई साढे दुई वर्ष, ४ वटालाई २ वर्ष, ५ वटालाई डेढ वर्ष र बाँकी ८ वटा कम्पनीलाई १ वर्ष कालोसूचीमा राखिएको सुचनामा उल्लेख गरिएकाे छ । 

कालोसूचीमा राखिएको अवधिभर उक्त निर्माण व्यवसायी तथा आपूर्तिकर्ताहरूले सार्वजनिक निकायको कुनै पनि खरिद कारबाहीमा भाग लिन पाउने छैनन् ।