पेरिस । पेरिसको गारे लियोन रेलवे स्टेसनमा शनिबार भएको चक्कू आक्रमणमा परी तीन जना घाइते भएका छन् ।

स्थानीय समयअनुसार बिहान ८:०० बजे आन्तरिक तथा स्विट्जरल्याण्ड र इटाली जाने रेलसेवा गर्ने स्टेसनमा पक्राउ परेका ती व्यक्तिले छुरा प्रहार गरेका थिए ।

एक जना गम्भीर घाइते भएका छन् भने दुई जना सामान्य घाइते भएका प्रहरीले जनाएको छ ।

प्रहरी स्रोतले भन्यो, “आक्रमणका क्रममा संदिग्धले कुनै पनि धार्मिक नारा नलगाएको र उसँगबाट प्रहरीले एउटा सवारीचालक अनुमति पत्र (लाइसेन्स)लिएको छ ।”

रेल अपरेटर एसएनसीएफले स्टेसन हलको एकदेखि तीनसम्मको क्षेत्रलाई अस्थायी रूपमा सुरक्षा घेराभित्र लिएको बताएको छ ।