काठमाडौं । नेपाली कांग्रेसको शीर्ष नेतृत्व र मधेसवादी दलका नेताहरूबीच सभापति शेरबहादुर देउवाको निवास बूढानीलकण्ठमा वार्ता भइरहेको छ।

बैठकमा नेता डा. शेखर कोइराला, उपसभापति पूर्णबहादुर खड्का र महामन्त्री गगन थापालाई समेत साथमा राखेर देउवाले मधेसवादी दलहरूसँग वार्ता गरिरहेका हुन्।

वार्तामा लोकतान्त्रिक समाजवादीका अध्यक्ष महन्थ ठाकुर, जनमत पार्टीका अध्यक्ष डा. सीके राउत र नागरिक उन्मुक्ति पार्टीका अध्यक्ष रेशम चौधरी सहभागी छन्।