काठमाडौं । प्रमुख सत्तारुढ नेकपा एमालेले राष्ट्रियसभा उपाध्यक्षमा विमला घिमिरेलाई उठाउने निर्णय गरेको छ।

राष्ट्रियसभा दल नेता देवेन्द्र दाहालका अनुसार पार्टीले घिमिरेलाई उम्मेदवार बनाउने निर्णय गरेको हो ।

फागुन २१ गते नेकपा एमालेसहितको गठबन्धन बन्ने क्रममा राष्ट्रिय सभाको अध्यक्ष पद नेकपा माओवादी केन्द्रले लिने निर्णय भएको थियो। त्यस्तै उपाध्यक्ष पद नेकपा एमालेलाई दिने गरी फागुन २१ गते ८ बुँदे सहमति भएको थियो।

राष्ट्रयसभा उपाध्यक्षका लागि २८ चैतमा निर्वाचन हुँदैछ ।