काठमाडौं । वलिउड अभिनेत्री सोनाक्षी सिन्हा र जहीर इकबालले २३ जुनमा मुम्बईमा विवाह गरे ।

कानुनी विवाह गरेका उनिहरुले आइतबार भव्य रिसेप्शन दिएका थिए । जहाँ परिवारका सदस्यहरू र फिल्म क्षेत्रका धेरैजसो उपस्थित थिए। तर, सोनाक्षीका दाइ लभ सिन्हा र कुश सिन्हा विवाहमा सहभागी भएनन्।

एक्ली बहिनी सोनाक्षीको विवाहमा दाजुहरुको अनुपस्थितिले सबैलाई आश्र्चयचकित पारेको थियो । अभिनेत्रीका दाइहरू यो विवाहमा खुसी नभएको धेरैले अड्कलबाजी समेत गरे ।

यसबारे सोध्दा दुईमध्य एक दाजु लवले आफ्नो प्रतिक्रिया दिएका छन् । हिन्दुस्तान टाइम्ससँग कुरा गर्दै उनले भने, ‘कृपया मलाई एक वा दुई दिनकाे समय दिनुहोस्। म निश्चित रूपमा तपाइँका प्रश्नहरूको जवाफ दिनेछु।’

यसअघि सोनाक्षीको विवाहको खबर मिडियामा आएपछि लवले एक अन्तर्वार्तामा आफूलाई यसबारे कुनै जानकारी नभएको बताएका थिए । उनी मुम्बई बाहिर छन् ।

दुवै दाजुभाइको अनुपस्थितिमा अभिनेता साकिब सलीमले विवाह संस्कार सम्पन्न गरेका थिए । सामान्यतया यो अनुष्ठान दाजुभाइहरूद्वारा गरिन्छ ।