काठमाडौं । क्यानडाका चर्चित पप गायक जस्टिन बिबर भारत पुगेका छन् । भारतका धनाढ्य मुकेश अम्बानीका छोरा अनन्त अम्बानी र राधिका मर्चेन्टको विवाह अघि संगीत कार्यक्रममा प्रस्तुति दिन उनी शुक्रबार मुम्बई आइपुगेका हुन् ।

५ जुलाई अर्थात आजै अनन्त र राधिकाको संगीत समारोह हुुँदैछ। जसमा जस्टिनले आफ्नो प्रस्तुति दिनेछन्। उनीबाहेक बादशाह र करण औजलाले पनि सांगीतिक प्रस्तुति दिनेछन्।

द फ्रि प्रेस जर्नलको रिपोर्ट अनुसार जस्टिनले यो विवाहमा प्रस्तुतिका लागि करिब १ करोड डलर अर्थात् करिब ८३ करोड भारु रुपैयाँ लिनेछन् ।

यसअघि, रिहाना, केटी पेरी, पिटबुल, डीजे डेभिड गुएटा, ओपेरा गायक एन्ड्रिया बोसेली र ब्याकस्ट्रिट ब्वाईज जस्ता अन्तर्राष्ट्रिय कलाकारहरूले यो जोडीको प्रि-वेडिङ समारोहमा प्रस्तुति दिएका थिए।

अनन्त र राधिकाको विवाह १२ जुलाईमा हुँदैछ।