काठमाडौं । साताको अन्तिम कारोबार दिन नेप्से परिसूचक बढेर २२०० विन्दुमाथि पुगेको छ। बिहीबार नेप्से परिसूचक २९.२१ अंकले बढेर २२०४.६१ को विन्दुमा बन्द भएको हो।

बजारमा आज १५४ कम्पनीको शेयरभाउ बढ्दा ७८ वटाको घटेको छ भने १२ वटा स्थिर रहेका छन्। बिहीबार लघुवित्त र व्यापार समूह घटेका छन् भने अन्य सबै समूह उकालो लागेका छन्। आज जीवन बीमा समूह सर्वाधिक ३.०६ प्रतिशतले बढेको छ।

यो दिन बजारमा ७ अर्ब ८ करोड रुपैयाँ बढीको कारोबार भएको छ। सर्वाधिक किनबेच सीईडीबी हाइड्रोपावरको भएको छ।