काठमाडौँ । प्रहरीले दोलखाको भिमेश्वर नगरपालिका–५ स्थित किराँतीछापबाट दुई जनालाई पक्राउ गरेको छ । पक्राउ पर्नेमा बिगु गाउँपालिका–३ बस्ने २६ वर्षीय विजय आचार्य र भिमेश्वर–४ घर भएका २९ वर्षीय मधुसुदन चौलागाईं छन् ।

आचार्यको साथबाट ६ दशमलव ४० ग्राम र चौलागाईंको साथबाट ४ दशमलव ६२ ग्राम खैरो हेरोइन बरामद गरिएको जिल्ला प्रहरी कार्यालय दोलखाका इन्स्पेक्टर सत्रुधन महतोले जानकारी दिए । आरोपीहरु बर्दिबासबाट चरिकोटतर्फ आउँदै गरेको बा।३ ख १७९६ नम्बरको बसमा सवार थिए ।

उनीहरुविरुद्ध प्रहरीले लागु औषध मुद्दामा अदालतबाट म्याद लिएर अनुसन्धान गरिरहेको छ ।