राजविराज । २०८१ सालको वैध प्रकाश मानवअधिकार पुरस्कारबाट दिलीप चौधरी पुरस्कृत भएका छन् ।

वैध प्रकाश मानवअधिकार पुरस्कार कोषद्वारा शुक्रबार राजविराजमा आयोजित कार्यक्रममा उच्च अदालत जनकपुरको राजविराज इजलाशका मुख्य न्यायाधीश वामदेव ज्ञवालीले चौधरीलाई नगद ७ हजार १ सय र सम्मानपत्र सहित पुरस्कृत गरेका हुन् ।

प्रेस स्वतन्त्रता सेनानी वैधनाथ झाले मानव अधिकारकर्मी प्रकाश काफ्लेको स्मृतिमा वैध प्रकाश मानवअधिकार पुरस्कार कोषको स्थापना गरेका थिए । कार्यक्रममा उर्मिलादेवी झा मैथिली गायन पुरस्कार गायिका सुनिता साहलाई प्रदान गरियो ।

कार्यक्रममा उच्च अदालत जनकपुरको राजविराज इजलासका मुख्य न्यायाधीश ज्ञवाली, पूर्वप्रमुख निर्वाचन आयुक्त डा अयोधीप्रसाद यादव, मधेश प्रदेश आमसंचार प्राधिकरणका अध्यक्ष श्यामसुन्दर यादव , मैथिली महिला परिषदकी अध्यक्ष मालती चौधरी लगायतका वक्ताले बोलेका थिए ।