काठमाडाैं । असाेज २४ गते फूलपातीको दिन रिलिज भएकाे फिल्म ‘१२ गाउँ’ ले बम्पर कमाइ गरिरहेकाे छ । विराज भट्टका बाबु–छोराकाे फिल्मले रिलिज भएकाे एक सातामै कराैडाैंकाे ब्यापार गरेकाे छ ।

फिल्मले देशभर राम्रो शो पाइरहेको छ । वितरक टीमका अनुसार फिल्मले बिहीबारसम्म १० करोड ५ लाख रूपैयाँ ग्रस कलेक्सन गरेको छ ।

‘१२ गाउँ’ लाई विराज भट्टले निर्देशन गरेका हुन्। उनका छोरा समीर भट्टको यो डेब्यु फिल्म हो। समीरसँगै दुई अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले यो चलचित्रबाट डेब्यू गरेका छन् । फिल्ममा विराजकाे पनि अभिनय रहेकाे छ ।