काठमाडौँ । विजय बराल अभिनित फिल्म ‘पूर्णबहादुरको सारङ्गी’ ले घरेलु बक्स अफिसमा दस दिनमै करिब १८ करोड कमाएको छ ।

वितरण कम्पनी ब्यांकटेस इन्टरटेनमेन्टका अनुसार फिल्मले शनिबारसम्ममा १७ करोड ९८ लाख ग्रसको व्यापार गरेको छ ।

फिल्मको कूल कलेक्सनमा काठमाडौं उपत्यकाको हिस्सा ५२ प्रतिशत र मोफसलको ४८ छ । मुलुकका ४८० शोबाट फिल्मले यो कमाइ गरेको बताइएको छ ।

८ दिनसम्म ११ करोड १० लाख ग्रस कमाएको फिल्मले शुक्रबार २ करोड ९९ लाख र शनिबार ३ करोड ८९ लाख ग्रस कमाइ गरेको हो । शनिबारको कमाइ घरेलु फिल्मको इतिहासमा हालसम्मकै सर्वाधिक हो ।