काठमाडौं । ‘पूर्णबहादुरको सारङ्गी’ले सर्वाधिक कमाउने घरेलु फिल्मको इतिहास रचेको छ ।

‘कबड्डी ४’ लाई पछि पार्दै विजय बराल अभिनित फिल्मले धेरै कमाउने घरेलु फिल्मको रुपमा इतिहास रचेको हो ।

मंगलबारसम्म पूर्ण बहादुरको सारङ्गीले २५ करोड ४ लाख रुपैयाँ ग्रसकलेक्सन गरेको वितरक टीमले जानकारी दिएको छ । फिल्मले हिजो मंगलबार मात्रै २ करोड ५ लाख रुपैयाँ ग्रस कमाइ गरेको छ ।

यसअघि ‘कबड्डी–४’ले नेपाली बक्सअफिसमा २३ करोड ५० लाख रुपैयाँ कलेक्सन गरेर सर्वाधिक कमाउने नेपाली फिल्म बनेको थियो।

सरोज पौडेलले निर्देशन गरेको पूर्ण बहादुरको सारङ्गीमा विजय बराल, प्रकाश सपूत, मुकुन भुसाल, अञ्जना बराइलीलगायत कलाकारको मुख्य भूमिका छ ।

फिल्मको कार्यकारी निर्मातामा रमेश चौलागाईं, हरि श्रेष्ठ र रमेश ढकाल छन् ।