काठमाडौँ । राष्ट्रिय स्वतन्त्र पार्टी (रास्वपा)ले स्थानीय तह उपनिर्वाचनका लागि उम्मेदवार चयन गरेको छ ।

बुधबार प्रारम्भिक निर्वाचनबाट रास्वपाले पार्टीका उम्मेदवार चयन गरेको हो ।

पार्टीका तर्फबाट भाग लिने उम्मेदवार चयन गर्न पार्टीको विधानको धारा ७१ बमोजिम सञ्चालन गरिने प्रारम्भिक निर्वाचनको पूर्वप्रकाशित तालिकाअनुसार आकांक्षी उम्मेदवारबीच छलफल र पार्टीको स्थानीय नेतृत्वको सिफारिसपछि उम्मेदवार छनाेट गरिएको पार्टीको स्थानीय तह उपनिर्वाचन संयोजन समितिले जनाएको छ ।

मंसिर १६ गते स्थानीय तहको उपनिर्वाचन हुँदैछ ।