काठमाडौं । युएईमा जारी एसीसी यू-१९ एसिया कपकाे पहिलो खेलमा श्रीलंकाले नेपाललाई २३४ रनको लक्ष्य दिएकाे छ ।

टस हारेर ब्याटिङको निम्तो पाएको श्रीलंकाले ५० ओभरमा सबै विकेट गुमाएर २३३ रन बनाएकाे हाे ।

श्रीलंकाका लागि सरुजन सनमुगनाथनले सर्वाधिक ६२ रन बनाए । त्यस्तै लकविन अभेसिङ्गेले ५० रन बनाए । कविजा गमागेले ३७ रन बनाए ।

नेपालका सन्तोष यादवले १० ओभरमा ४५ रन दिएर ४ विकेट लिए । त्यस्तै युवराज खत्रीले २ तथा कप्तान हेमन्त धामी र नरेन साउदले १-१ विकेट लिए ।