काठमाडौं । ‘पुष्पा २’ का अभिनेता अल्लु अर्जुन पक्राउ परेका छन् ।

डिसेम्बर ४ मा हैदराबादको एक हलमा फिल्म ‘पुष्पा २’ को प्रदर्शनको क्रममा चलेको भागदौडको घटनासँग सम्बन्धित रहेको आरोपमा प्रहरीले तेलुगु सुपरस्टार अर्जुनलाई पक्राउ गरेको हो ।

उक्त भागदौडमा ३९ वर्षीया एक महिलाको मृत्यु भएको थियो, भने उनका छोरा गम्भीर घाइते छन् ।

यो घटनापछि प्रहरीले अभिनेता अल्लु अर्जुन र थिएटर व्यवस्थापनविरुद्ध एफआईआर दर्ता गरेको थियो ।