काठमाडौं । नेपाल स्टक एक्सचेञ्ज (नेप्से)मा आइतबार दोहोरो अंकको गिरावट भएको छ । आज नेप्से १३.५३ अंकले घटेर २ हजार ५ सय ८३ दशमलव २९ विन्दुमा बन्द भएको हो ।

नेप्सेका अनुसार आज ४ अर्ब ५१ करोड ८३ लाख ८५ हजार रुपैयाँ बराबरको कारोबार भएको छ । आजको कारोबारमा ८५ कम्पनीको सेयरमूल्य बढ्दा १५३ को घट्यो । ६ कम्पनीको सेयरमूल्य स्थिर रहेको छ ।

तीन कम्पनीको सेयरमूल्यमा भने उच्च वृद्धि भएको छ । जसमा सपोर्ट माइक्रोफाइनान्स वित्तीय संस्था लिमिटेड, बाराही हाइड्रोपावर पब्लिक लिमिटेड र ङादी हाइड्रोपावर लिमिटेड रहेका छन् । यी कम्पनीहरुको सेयरमूल्य १० प्रतिशतले बढेको छ ।

सप्तकोशी विकास बैंक लिमिटेडको शेयरमूल्य ६.४० प्रतिशतले घटेको छ । आज रिभरफल्स पावर लिमिटेडको सर्वाधिक कारोबार भएको छ । यस कम्पनीको आज २२ करोड ३ लाख बराबरको कारोबार भएको नेप्सेले जनाएको छ ।