काठमाडौं । भारतका चर्चित र्‍यापर हनी सिंहको फिल्म ‘डकुमेन्ट्री’ हालै रिलिज भएको छ । यतिबेला उनी आफ्नाे फिल्मको प्रचारप्रसारमा व्यस्त छन् ।

यसैबीच एक अन्तवार्तामा हनी सिंहले आफु रिलेशनशिपमा आउन तयार रहेको स्पष्ट पारेका छन् । आजतकसँग दिएको अन्तवार्तामा हनीले आफ्नो ५ छोरी जन्माउने चाहाना रहेको समेत खुलाएका छन् ।

र्‍यापरलाई दास्रो विवाह र बच्चाको बारेका सोध्दा उनले भने, ‘यदि मैले दोस्रो पटक विवाह गरें भने म पक्कै ५ छोरी जन्माउन चाहन्छु । त्यसपछि मैले घरमै स्पाइस गर्ल्स ग्रुप बनाउनु पर्छ। यदि भगवानले चाहानुभयो भने, यो अवश्य हुनेछ। तर त्यसो भएन भने छोरी धर्मपुत्र लिन्छु ।’ 

त्यसपछि हनीलाई आफुजस्तो जस्तो छोरा चाहिँदैन ? भनि सोधिएपछि जवाफमा उनले भने, ‘मलाई मभन्दा लायक छोरी चाहिएको छ ।’

प्रोफेशनलका साथसाथै हनी सिंहको पर्सनल लाइफ पनि यतिबेला उतारचढावबाट गुज्रिएको छ । कुराकानीमा हनीले आफ्नी पूर्वपत्नी शालिनीबारे बोल्दै उनी अहिले जहाँ भएपनि खुसी रहुन् भनेका थिए ।