काठमाडौं । अभिनेता आमिर खान यतिबेला आफ्नो आगामी फिल्म ‘सितारे जमीं पर’ को सुटिङ गरिरहेका छन् । यो फिल्म आगामी वर्ष (सन् २०२५) मा रिलीज हुनेछ।

हालै आमिरले एक अन्तरवार्तामा आफुलाई निकै अनुशासनहीन बताएका छन् । नाना पाटेकरसँग कुराकानी गर्दै आमिरले आफुलाई यस्तो भनेका हुन् ।

आमिरले भने-म धेरै अनुशासनहीन छु । नानाले सोधे- समयमै सुटिङमा जानुहुन्छ ? त्यसोभए किन अनुशासनहीन ? आमिरले जवाफ दिए- होइन , फिल्मको मामलामा होइन। म पाइप (सिगरेट) धुम्रपान गर्छु। अहिले रक्सी त्यागेको छु, तर कुनै बेला पिउँथे । र जब म पिउँथे, रातभर पिउँथे।’

नानाले आमिरलाई रोकेर भने- ‘बानी त्यतिबेला खराब हुन्छ, जतिबेला तपाईं त्याे धेरै गर्नुहुन्छ ? आमिरले तुरुन्तै भने- हो त्यसो भए मलाई के समस्या छ, म चरम मान्छे हुँ । म जे गर्छु चाहिनेभन्दा धेरै गरिरहन्छु। यो राम्रो कुरा होइन। मलाई यसको अनुभूति छ, म आफैंलाई थाहा छ म गलत गरिरहेको छु, तर म आफूलाई रोक्न सक्दिन। मेरो खराब बानी छ, म धेरै अनुशासनहीन छु। फिल्म नआएसम्म ममा त्यो परिवर्तन आउँदैन । म फिल्मको लागि कडा अनुशासन पालन गर्छु।’ 

नानाले आमिरलाई लगातार फिल्महरू गर्न सल्लाह दिएका छन् । उनले भने- ‘फिल्म हाम्रो औषधि हो । म तपाईंलाई लगातार फिल्महरू गर्न सल्लाह दिन्छु।’ जवाफमा आमिरले भने-‘मैले सोचेको छु अब वर्षमा एउटा फिल्म गर्छु ।’