काठमाडौं । महुली लघुवित्त वित्तीय संस्था लिमिटेडको एफपीओमा ५२ गुणा बढी आवेदन परेको छ ।

सिडिएस एण्ड क्लियरिङ लिमिटेडको आज विहान १० बजेसम्मको अन्तिम तथ्याङक अनुसार एफपीओमा १७ लाख ८७ हजार ३९१ जना आवेदकबाट २ अर्ब ४९ करोड ३ लाख ६१ हजार रुपैयाँ बराबरको २ करोड ४९ लाख ३ हजार ६१० कित्ताका लागि आवेदन दिएका हुन् ।

मागभन्दा बढी आवेदन परेकाले कम्पनीको एफपीओ गोलाप्रथाको माध्यमबाट बाँडफाँट हुने बताइएको छ । यो एफपीओ ४७ हजार ५४४ जना आवेदकले १० कित्ताका दरले पाउनेछन् भने तिनै भाग्यमानी मध्ये ९ जनाले थप एक एक कित्ताका दरले शेयर पाउनेछन् ।

कम्पनीले ४ लाख ७५ हजार ४४९ कित्ता एफपीओ पुस ५ गतेदेखि जारी गरेको थियो । धितोपत्र दोस्रो बजारमा सूचीकृत यस कम्पनीको शेयरमूल्य प्रतिकित्ता १ हजार ४९० रुपैयाँ कायम छ ।