काठमाडाैं। बलिउड अभिनेता अमिताभ बच्चन यतिबेला आफ्नो शो ‘कौन बनेगा करोडपति सिजन- १६’ लाई लिएर चर्चामा छन्।

हालै साे हाेस्ट गर्ने क्रममा अभिनेताले पत्नि जया बच्चनसँग जोडिएको एउटा घटना सेयर गरेका छन् । उनले आफूलाई एटीएम कार्ड चलाउन नआउने र नगद पनि आफू नराख्ने गरेकाे खुलासा गरेका छन् ।

यस एपिसोडमा ‘इन्डिया च्यालेन्जर वीक’की प्रतियोगी प्रियंका हट सिटमा बसेकी थिइन् । कार्यक्रममा उनले अमिताभलाई धेरै रोचक प्रश्न सोधिन् । प्रियंकाले सोधिन्, ‘तपाईंले कहिल्यै एटीएमबाट पैसा निकालेर आफ्नो ब्यालेन्स चेक गर्नुभएको छ ? यस प्रश्नको जवाफमा अमिताभले मुस्कुराउँदै भने- ‘म न त एटीएम गएकाे छुँ, न त नगद साथमा राखेकाे छुँ, किनकी एटीएम कसरी चलाउने थाहा छैन । तर जया जीसँग सधैं नगद हुन्छ, त्यसैले म उहाँसँग माग्छु।’

यस कुराकानीमा प्रियंकाले अर्को प्रश्न गरिन्, ‘जब म अफिसबाट घर जान्छु, आमाले धनिया वा केही ल्याउन भन्नुहुन्छ ? जया म्याडमले पनि यसरी भन्नुहुन्छ ? अमिताभले हाँस्दै भने, ‘पक्कै पनि उनी भन्छिन्।’