काठमाडौं । अंग्रेजी नयाँ वर्ष २०२५ को अवसरमा एमएडब्लू वृद्धि अटोकर्पले ४.९९ प्रतिशत निश्चित ब्याजदरमै दीपलका ईभी खरिद गर्न सकिने अफर ल्याएको छ ।

कम्पनीले यो ब्याजदर हाल बजारमा चलिरहेकोमा सबैभन्दा कम भएको दाबी गरेको छ ।

‘न्यु इयर, न्यु दीपल’ योजनामार्फत फ्युचरिस्टिक ईभी दिपललाई निकै कम ब्याजदरमा खरिद गर्न सकिने कम्पनीले जनाएको हो ।

नेपाल इन्भेस्टमेन्ट मेगा बैंक (एनआईएमबी)सँगको सहकार्यमा यो योजना ल्याइएको कम्पनीले जनाएको छ ।

यसले प्रिमियम विद्युतीय कार खरिद गर्ने ग्राहकको चाहनालाई सहज बनाउने अपेक्षा कम्पनीको छ ।

अफरमा निःशुल्क एसेसोरिज, निःशुल्क रोड ट्याक्स, निःशुल्क अटो प्लस इन्स्योरेन्सका साथै टप रिकन्डिसन हाउसहरुमार्फत आफ्नो पुरानो गाडीको सर्वोत्कृष्ट एक्सचेन्ज भ्यालु पाइने बताइएको छ ।