काठमाडौं । सेयर बजार मंगलबार पनि बढेको छ। आज नेप्से परिसूचक ६.१६ अंकले बढेर २६४६.८४ को विन्दुमा बन्द भएको हो। यसअघि सोमबार पनि सेयर ४९ .१२ अंकले बढेको थियो ।

मंगलबार बजारमा १२६ कम्पनीको सेयरभाउ बढ्दा १०७ कम्पनीको घटेको छ। १० कम्पनीको भने स्थिर रहेको छ।

आज बजारमा ५ अर्ब ३८ करोड रुपैयाँ बढीको कारोबार भएको छ। हिजो ६ अर्ब ३० करोड रुपैयाँको कारोबार भएको थियो।

यो दिन बजारमा ४ कम्पनीको शेयरभाउमा सकारात्मक सर्किट लागेको छ। सप्तकोशी डेभलपमेन्ट बैंक र न्यादी हाइड्रोपावरको शेयरभाउमा १० प्रतिशत तथा प्रभु महालक्ष्मी लाइफको शेयरभाउमा ९.९९ प्रतिशत र सिन्धु विकास बैंकको शेयरभाउमा ९.७७ प्रतिशतको बढोत्तरीका साथ सकारात्मक सर्किट लागेको हो।