काठमाडौं । काठमाडौं र आसपासको क्षेत्रमा आज बिहान भूकम्पको धक्का महसूस भएको छ ।

अमेरिकी जियोलोजिकल सर्भेले मंगलबार बिहान २:४८बजे तिब्बतको सिगात्से नजीक केन्द्रबिन्दु भएर ५ म्याग्निच्यूडको भूकम्प गएको जनाएको छ।

बिहान २:४८बजे गएकाे भूकम्पकाे समयमा नेपालमा अधिकांश व्यक्ति निद्रामा रहेकाेले धेरैले धक्का महसुस गर्न सकेनन् ।

आजको भूकम्प यसअघि तिब्बतमा पुस २३ गते तिब्बतमा गएकाे ७.१ म्याग्नाच्युट भूकम्पको परकम्प रहेकाे बताइएकाे छ । तिब्बतमा केन्द्रबिन्दु भएपनि नेपालसँगै चीन, भारत , बङ्गलादेश , भूटानसम्म भूकम्प महसूस गरिएको छ।