काठमाडौं । आज २०८१ साल माघ २० गते आइतबार माघ शुक्ल पक्षको चतुर्थी तिथि। विश्व सिमसार दिवस। तदनुसार सन् २०२५ फेब्रुअरी २ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ ।

मेष : कार्यक्षेत्रमा आफ्नो जिम्मेवारी स्वयं बहन गर्नुहोला। व्यापार व्यवसायमा अरुलाई सल्लाह दिनुभन्दा अरुको कुरा सुन्न आज उपयुक्त रहनेछ। घरको सजावटमा धन खर्च हुनेछ। आजको शुभ रंग गुलाबी हो भने शुभ अंक १ रहेको छ।

वृष : पारिवारिक सम्बन्धहरूलाई राम्रो बनाउने कोसिस गर्नुहोला। युवा वर्गहरूलाई रचनात्मक कार्यमा चासो लाग्नेछ। शुभचिन्तकहरूबाट प्रशंसा पाइएला । आजको शुभ रंग हरियो हो भने शुभ अंक २ रहेको छ।

मिथुन : आर्थिक कारोबार स्थिर र अनुकूल रहनेछ। योजनाहरू समय अनुसार पूरा हुनेछन्। विद्यार्थी वर्गहरूलाई आफ्नो करियरलाई लिएर चिन्ता रहनेछ। आजको शुभ रंग सेतो हो भने शुभ अंक १ रहेको l

कर्कट :धनसम्पत्तिको मामिलाहरू सुल्झ्याउनमा नआत्तिनुहोस्। आफन्तसँग रमाइलो भेटघाट वा आनन्दको समय बित्नेछ। व्यापार व्यवसायमा लाभ रहनेछ। आजको शुभ रंग सेतो हो भने शुभ अंक २ रहेको छ।

सिंह : पुरानो लेनदेनबाट छुट्कारा मिल्नेछ। नोकरी वा पेशामा सरुवा हुने भय रहनेछ। नयाँ कार्यको सुरुवात मन अशान्तिको कारण बन्नेछ। श्रमको उचित मूल्यांकन नमिल्ला। आजको शुभ रंग हल्का रातो हो भने शुभ अंक ३ रहेको छ।

कन्या : कार्यक्षेत्रमा सहकर्मीहरुसँग चलिरहेको मनमुटाव सुल्झिनेछ। मिलिरहेको अवसरबाट पूरा लाभ लिने प्रयास गर्नुहोस्। यात्रा सुखद रहनेछ। कृषि वा पशुपालनबाट लाभ आर्जन गर्न सकिनेछ। आजको शुभ रंग निलो हो भने शुभ अंक ४ रहेको छ।

तुला : सकारात्मक रहने प्रयास गर्नुहोला। विद्यार्थीहरूको विचारहरूमा परिवर्तन आउनेछ। नयाँ वाहन वा जग्गा जमिन किन्ने योजनाहरूमा मातापिताको सल्लाह अवश्य लिनुहोला। आजको शुभ रंग गुलाबी हो भने शुभ अंक २ रहेको छ।

वृश्चिक : अँनलाइन किनमेलमा धोखा मिल्न सक्ला सावधान रहनुहोस्। सम्पर्क क्षेत्र बढ्नाले दिगो फाइदा हुनेछ। विद्यार्थी वर्गहरूको मनोरञ्जनात्मक समय बित्नेछ। आजको शुभ रंग रातो हो भने शुभ अंक ५ रहेको छ।

धनु : मान सम्मानमा वृद्धि हुनेछ। आर्थिक कारोबारमा विस्तार हुनेछ। अविवाहितहरूलाई विवाहको कुरो चल्नेछ। सम्मानित व्यक्तिसँगको भेटघाटले मन आनन्दित रहनेछ। आजको शुभ रंग पहेलो हो भने शुभ अंक ६ रहेको छ।

मकर : कार्यक्षेत्रमा अनुभवी व्यक्तिहरूको साथ मिल्नेछ। नयाँ कार्यको सुरुवात हुन सक्ला। व्यापार व्यवसायमा प्रलोभनमा आएर कुनै निर्णय नलिनुहोला। अप्ठ्यारो समस्या निम्ताउनु पर्ला। आजको शुभ रंग खैरो हो भने शुभ अंक ७ रहेको छ।

कुम्भ : व्यापार व्यवसायलाई लिएर गरिएको यात्राबाट लाभ मिल्नेछ। परिवारको सुख समृद्धिमा वृद्धि हुनेछ। शत्रुहरू पराजित रहनेछन्। आजको शुभ रंग हरियो हो भने शुभ अंक ८ रहेको छ।

मीन : लक्ष्य प्राप्तिको लागि संघर्ष गर्नुपर्नेछ। पारिवारिक सम्बन्धमा चलिरहेको मनमुटाव सुल्झिनेछ। सामाजिक जीवनमा लोकप्रियता बढ्नेछ। आजको शुभ रंग सेतो हो भने शुभ अंक ८ रहेको छ।