काठमाडौं । बढ्दो उमेरसँगै कपाल फुल्नु सामान्य कुरा हो, तर यदि कम उमेरमै कपाल सेतो हुन थाल्यो भने यो पक्कै पनि चिन्ताको विषय हो।

कम उमेरमै कपाल फुल्नु आजभोलि धेरैको साझा समस्या बनेको छ । यी केही घरेलु उपचारहरू यो समस्या समाधानका लागि उपयोगी साबित हुन सक्छन्।

अमला
कपाल सानै उमेरमा सेतो हुन थालेको भए अमलाको उपयोग फाइदाजनक हुन सक्छ। यसलाई प्रयोग गर्न अमला, घण्टी फुल र तिलको पेस्ट बनाउनुहोस्। साथै केही थोपा नरिवलको तेल हालेर टाउकोमा मालिस गर्नुहोस्। यसो गर्दा कपाल छिटो सेतो हुने समस्या रोकिने छ।

प्याज
कपाल फुल्नबाट रोक्न प्याज पनि धेरै प्रभावकारी हुन्छ। यसका लागि, पहिले प्याजका केही टुक्राहरूलाई मिक्सरमा राम्ररी पिस्नुहोस् र त्यसपछि निचोरेर यसको रसले टाउकोमा मालिस गर्नुहोस्। यदि हप्तामा कम्तिमा दुई पटक यसको प्रयोग गरियो भने धेरै फाइदा लिन सकिनेछ।  

मेहंदी र मेथीको पेस्ट
कपाल फुल्ने समस्या हटाउन मेहंदी र मेथीको पेस्ट धेरै उपयोगी हुन सक्छ। सबैभन्दा पहिले, मेहंदी र मेथीको पेस्ट तयार गर्नुहोस्, त्यसपछि त्यसमा अलिकति बटर मिल्क र नरिवलको तेल हाल्नुहोस्। यसबाट आफ्नो कपालमा मालिस गर्नुहोस्। यो मिश्रण धेरै लाभदायक साबित हुनेछ। 

तेल
आफ्नो कपाललाई स्वस्थ राख्न चाहनुहुन्छ भने, समय-समयमा तेल लगाइरहनु पर्छ। विशेषगरी, नरिवलको तेल र बदामको तेलको मिश्रण टाउकोमा लगाउनु धेरै फाइदाजनक हुन्छ।