काठमाडौं। नेपाल राष्ट्र बैंकको गभर्नर बन्न डा. गुणाकर भट्टको योग्यता नै नपुगेको भन्दै सर्वोच्च अदालतमा रिट निवेदन दायर भएको छ ।

अधिवक्ताद्वय प्रतिभा उप्रेती र विशाल थापाले गभर्नर डा.भट्टको योग्यता नपुग्ने दाबीसहित शुक्रबार रिट दायर गरेका हुन् । उक्त रिटको पेशी आगामी आइतबार तोकिएको छ ।

नेकपा (एमाले) का अध्यक्षसमेत रहेका प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच डा.भट्टलाई गभर्नर बनाउने सहमति भएको बताइएको थियो । यसैक्रममा डा.भट्टले आजै नेपाल राष्ट्र बैंककाे कार्यकारी निर्देशकबाट राजीनामा दिएका थिए ।