काठमाडौं । भारतीय क्रिकेटर विराट कोहलीले टेस्ट क्रिकेटबाट सन्न्यास घोषणा गरेका छन् । कोहलीले यसअघि नै सन्न्यास लिने इच्छा जनाएपनि सोमबार आधिकारिक रूपमा टेस्ट क्रिकेटबाट संन्यासको घोषणा गरेका हुन् ।

२०११ मा डेब्यू गरेका ३६ वर्षीय कोहलीले भारतका लागि १२३ टेष्ट खेलेका छन् । उनले उक्त खेलमा ९२३० रन बनाएका छन् । सो क्रममा ३० शतक र ३१ अर्थशतक प्रहार गरेका छन् । विराटले लामो समय भारतको कप्तानीसमेत गरेका थिए ।

‘इमानदारीताका साथ भन्नुपर्दा मेरो टेस्ट फर्म्याटको यात्रा यस्तो हुनेछ भन्ने मैले सोचेको थिइनँ,’ कोहलीले लेखेका छन्, ‘यसले मेरो पहिचान गर्‍यो, मलाई निखार्‍यो र मलाई यस्तो सबक सिकायो जो म जिन्दगीभर सम्झनेछु ।’

केही दिनअघि मात्रै कप्तान रोहित शर्माले टेष्ट क्रिकेटबाट सन्न्यास लिएका थिए ।