काठमाडौं । युक्रेन मामिलालाई लिएर अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीच टेलिफोन कुराकानी हुने भएको छ । ट्रम्पको भनाइ साभार गर्दै रुसी विश्व च्यानल आरटीले उल्लेख गरेअनुसार दुई समकक्षीबीचको टेलिफोन कुराकानी सोमबार हुने भएको हो ।

शनिबार ट्रम्पले आफ्नो स्वामित्वको सामाजिक सन्जाल ट्रुथ सोसलमा लेख्दै युक्रेनको ‘रक्तधारा’ अन्त्य र ‘व्यापारिक मुद्दामा’ कुराकानी हुने जानकारी दिएका हुन् । पुटिनपछि युक्रेनी नेता जेलेन्स्की र अन्य नेटो सदस्यहरूसँग पनि ट्रम्पले कुरा गर्ने बताएका छन् ।

गत शुक्रबार रुसी र युक्रेनी उच्च अधिकारीहरूले टर्कीको राजधानीमा दुई घण्टा वार्ता गरेका थिए। युक्रेन युद्ध तीन वर्ष पुगेपछि यो वार्ता पहिलो पटक भएको हो ।

वार्ता गराउन अमेरिका र टर्कीले भूमिका खेलेका थिए। अमेरिकी विदेशमन्त्री मार्को रुबियो वार्तास्थल पुगेका थिए ।