इरानको सरकारी टेलिभिजनले सोमबार इस्लामिक रिपब्लिक अफ इरान ब्रोडकास्टिङ (आईआरआईबी) को भवनमा आक्रमण गरेको छ । आईआरआईबीले आफ्नो केन्द्रीय कार्यालयमा आक्रमण भएको केही छिन पछि नै पुनः प्रत्यक्ष प्रसारणमार्फत् सेवा सुरू गरेको छ ।

सरकारी स्वामित्वको प्रसारण सेवा आईआरआईबीका एक वरिष्ठ अधिकारीले भने, “इरानी राष्ट्रको शत्रु यहुदी शासनले केही मिनेट अघि इस्लामिक रिपब्लिक अफ इरान न्यूज नेटवर्कविरुद्ध सैन्य आक्रमण गरेको छ ।” प्रत्यक्ष प्रशारणबाट उनले भने, “इस्लामी क्रान्ति र महान् इरानको आवाजलाई सैन्य कारबाहीबाट दबाउन सकिंदैन भन्ने तथ्यबारे इजरायल अनभिज्ञ देखियो ।”

यसअघि, इजरायलका रक्षामन्त्री इजरायल काट्जले इरानको सरकारी टेलिभिजन र रेडियोलाई लक्षित आक्रमण गरी ‘तिनीहरूलाई ध्वस्त पारिदिने’ बताएका थिए । “इरानी प्रोपोगान्डा र उक्साउने ‘मेगाफोन’ ध्वस्त हुन लागेको छ,” उनले एक विज्ञप्ति जारी गरी बताए थिए ।

उनले आसपासका बासिन्दालाई सुरक्षित स्थानमा स्थानान्तरण हुन उर्दी जारी गरेका थिए । त्यसैगरी इजरायली सेनाले पनि सोमबार नै राजधानीको उत्तरी ‘डिस्ट्रिक्ट थ्री’ को एक भागका बासिन्दालाई ‘तत्काल’ त्यहाँबाट बाहिर निस्कन आग्रह गरेको थियो ।

इजरायल र इरानले सञ्चार माध्यममै आक्रमण सुरु गरेका छन्। इरानले इजरायलका दुई टेलिभिजनका हेड क्वार्टर खाली गर्न चेतावनी दिएको छ।

इरानको राष्ट्रिय टेलिभिजनमा इजरायली आक्रमण भएको केही समयपछि इरानले यो चेतावनी दिएको हो।इरानले इजरायलको च्यानल १२ र च्यानल १४ मा आक्रमण गर्ने चेतावनी दिएको हो। यसअघि इरानले सञ्चार टेलिभिजन आइआरआईएनएनलाई सैन्य प्रायोजनका लागि प्रयोग गरेको कारण आक्रमण गरेको इजरायलले जनाएको छ।

यसैबीच इरानी सञ्चार माध्यमले नातान्जमा सेनाको सक्रियता बढेको जनाएको छ। नातान्ज राजधानी तेहरानको २२५ किलोमिटर दक्षिणमा छ। अहिले पनि तेहरानमा विस्फोट भइरहेको छ।