इरानका सर्वोच्च नेता आयतोल्लाह अली खामेनेईले इजरायल विरुद्धको युद्ध जितेकोमा इरानका जनतालाई बधाई दिएका छन्। उनले बिहिबार ट्विटरमा एक पोस्ट लेख्दै भनेका छन्, ‘झूटो इजरायली सरकारमाथि विजय हासिल गरेकोमा म तपाईंलाई बधाई दिन्छु। इरानले आफ्नो आक्रमणबाट इजरायललाई ध्वस्त र कुचल्यो।’

खामेनीले थप भने, ‘अमेरिका दुई देशहरू बीचको खुला युद्धमा हाम फालेको थियो किनभने उसलाई डर थियो कि यदि उसले हस्तक्षेप गरेन भने इजरायल पूर्ण रूपमा ध्वस्त हुनेछ। तर अमेरिकाले केही पनि हासिल गर्न सकेन। इरानले अमेरिकाको मुखमा कडा थप्पड हान्याे।’

इजरायलले १३ जुनमा इरानमाथि आक्रमण सुरु गरेकाे थियो। त्यसपछि दुवै पक्षमा युद्ध सुरु भयो। १२ दिनसम्म चलेको युद्धपछि ट्रम्पले २४ जुनमा युद्धविरामको घोषणा गरे।

इरानमा भएको युद्धमा ६२७ जना र इजरायलमा २८ जनाको मृत्यु भयो।