महिला भलिबल खेलाडीको ‘प्लेयर अक्सन’ साउन २ देखि

काठमाडौं । भलिबलको ‘प्लेयर अक्सन’ पहिलोपटक महिला भलिबलमा सुरु हुन गइरहेको छ।
वात्सल्य एभरेष्ट महिला भलिबल लिग अन्तर्गतको उक्त कार्यक्रम आगामी साउन २ गते (जुलाई १८, २०२५) काठमाडौँमा आयोजना हुनेछ। ६ वटा फ्रेन्चाइज टोलीहरूको सहभागितासहित यो प्रक्रिया नेपाली महिला भलिबलको व्यावसायिक यात्रामा एक युगान्तकारी मोड सावित हुने अपेक्षा गरिएको छ।
प्रत्यक्ष बोलकबोल प्रणाली अन्तर्गत, टोलीहरूले राष्ट्रिय स्टार खेलाडीहरू, नवप्रतिभा र उदाउँदा खेलाडीहरूबीचबाट आफ्नो टिम बनाउने अवसर पाउनेछन्। यस प्रक्रियाले पारदर्शी, प्रतिस्पर्धात्मक र प्रतिभामा आधारित छनोट सुनिश्चित गर्नेछ, जसले खेलाडीहरूको क्षमता र योगदानलाई सम्मान दिने आयोजकको भनाई छ।
‘यो अक्सन मात्र होइन, नेपाली महिला भलिबलको लागि एक ऐतिहासिक मोड हो’ वात्सल्य एभरेष्ट महिला भलिबल लिगले भनेको छ, ‘पहिलोपटक नेपाली महिला भलिबल खेलाडीहरू यस्तो व्यावसायिक संरचनामा प्रवेश गर्दैछन्, जहाँ उनीहरूको सीप, बजार मूल्य र पहिचानलाई संस्थागत मान्यता दिइन्छ। हामी सबैका लागि यो गर्वको विषय हो।’
अक्सन कार्यक्रम काठमाडौंमा, लिग पदाधिकारीहरू, फ्रेन्चाइज प्रतिनिधिहरू र सञ्चारकर्मीहरूको उपस्थितिमा सम्पन्न हुनेछ।

















यस्तो छ आजका लागि फलफूल तथा तरकारीकाे मूल्य
‘राजनीतिक दलका उम्मेदवारको साङ्गठनिक विरासत र महावीरको व्यक्तित्वबीचको प्रतिस्पर्धा’
यस्तो छ आजका लागि निर्धारण गरिएको विदेशी मुद्राको विनिमयदर
कस्ताे रहला आज देशभरकाे माैसम ?
टुँडिखेलमा प्रजातन्त्र दिवस (फोटो फिचर)
सुर्खेत पुगेर बालेनले भने – कर्णालीको गहिराइ कसैले बुझेन
केन्द्रीय सुरक्षा समितिको बैठक निर्वाचनमा केन्द्रीत
एमालेका नेता पूर्वमन्त्री मानन्धर कांग्रेसमा प्रवेश
कांग्रेसको प्रतिज्ञापत्र : यस्ता छन् गैरआवासीय नेपालीका मुद्दा
प्रतिक्रिया