काठमाडौं । प्रहरी नायब उपरीक्षक (डीएसपी) मधु नेपाल पक्राउ परेका छन्।

जिल्ला प्रहरी कार्यालय पूर्वी नवलपरासीमा कार्यरत नेपाललाई जिल्ला प्रहरी कार्यालय रुपन्देहीको टोलीले पक्राउ गरेको हो।

उनीमाथि बहुविवाह गरेको आरोप लागेपछि पक्राउ गरिएको प्रहरीले जनाएको छ। लुम्बिनी प्रदेश प्रहरी प्रमुख डीआईजी राजेन्द्र भट्टका अनुसार डीएसपी नेपालको पूर्वपत्नीले दिएको जाहेरीका आधारमा उनलाई नियन्त्रणमा लिइएको हो।

प्रहरीले उनलाई थुनामा राखेर अनुसन्धान सुरु गरेको छ।