काठमाडाैं । नेपाल प्रिमियर लिग एनपीएल सिजन– २ को उपाधि जित्न लुम्बिनी लायन्सले ८६ रनको झिनो लक्ष्य पाएको छ ।

त्रिवि मैदानमा टस जितेर पहिले ब्याटिङ रोजेको सुदूरपश्चिम रोयल्स ८५ रनमा अलआउट भएकाे हाे । सुदूरपश्चिमले १९.१ ओभरमा सबै विकेट गुमायो ।

सुदूरपश्चिमका लागि ओपनर इसान पाण्डेले सर्वाधिक ३३ रन बनाए । शेल्डोन ज्याकसोन एक, आरिफ शेख ६, कप्तान दीपेन्द्रसिंह ऐरी १३ अभिनास बोहरा एक, हर्मित सिंह १० र स्कट कुगेइलेन १० रनमा आउट भए । विनोद भण्डारी, दीपक बोहरा, पुनित महरा शून्य रनमा आउट भए । हेमन्त धामी ७ रनमा अविजित रहे ।

सुदूरपश्चिमलाई सस्तैमा रोक्न लुम्बिनीका कप्तान रोहितकुमार पौडेलले ह्याट्रिक विकेट लिए । उनले ११ औँ ओभरका ३ बलमा लगातार सुदूरपश्चिमका कप्तान दीपेन्द्रसिंह ऐरी, दीपक बोरा र पुनित मेहराको विकेट लिए ।