काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले सामाजिक सञ्जाल र शहरबजारमा होहल्ला हेर्दा इतिहास र निष्ठाविहीनहरूले देश कब्जा गरिसकेको भ्रम फैल्याएको टिप्पणी गरेका छन् । मंगलबार काठमाडौंमा आयोजित एक कार्यक्रममा बोल्दै यस्तो बताएका हुन्।

‘सोसल मिडिया हे¥यो भने सहर बजारका मान्छेको होहल्ला हे¥यो भने त पूरै विचारविहीन, इतिहास विहीन, त्याग तपस्या र निष्ठाविहीनले पूरै कब्जा गरिसके नेपाल भन्याजस्तो होहल्ला छ। पार्टीहरू त सिद्धिइसके,’ प्रचण्डले भने, ‘जसले दशकौँ त्याग, तपस्या, निष्ठाका कीर्तिमान कायम गरेकाहरू बदमास, यिनको काम छैन अब भन्या जस्तो।’

सोसियल मिडियामा होहल्ला गर्नेहरू नै जनताका मुक्तिदाता हुन भन्याजस्तो गरी होहल्ला भइरहेको पनि उनले बताए। उनले अगाडि भने, ‘मोबाइल हेर्नेहरूको हात हातमा त्यस्तो हो कि भन्ने भ्रम पर्छ। तर जनता त्यस्तो भ्रममा छैनन्।’