सप्तरी । जनता समाजवादी पार्टी, नेपालमा नेपाली कांग्रेस, नेकपा एमाले, नेकपा र जनमत पार्टी परित्याग गरी प्रभावशाली नेताहरुको नेतृत्वमा सयौं नेता कार्यकर्ताहरुको टीम सामूहिक रुपमा प्रवेश गरेको छ ।

जसपा नेपालका अध्यक्ष एवं सप्तरी क्षेत्र ३, का उम्मेदबार उपेन्द्र यादवले नवप्रवेशी नेतृत्वलाई खादामाला लगाएर पार्टीका स्वागत गरेका छन् ।

सप्तरी क्षेत्र नंं ३ को राजगढ, डाक्नेश्वरी र विष्णुपुर गाउँपालिकामा आयोजित पार्टी प्रवेश कार्यक्रममा नेपाली कांग्रेस परित्याग गरी बद्री यादव, कुञ्जीलाल यादव, दिनेश यादव, बब्लु यादवलगायत सयौं स्थानीय नेता तथा कार्यकर्ता पार्टी प्रवेश गरेका छन् ।

राजगढ गाउँपालिका वडा नम्बर ६ स्थित एमालेका प्रभावशाली नेताहरु मजिद मिया कैलास र नइम मन्सुरीको नेतृत्वमा पनि सयौंको संख्यामा नेता कार्यकर्ताहरु जसपा नेपालका अध्यक्ष यादवको हातबाट खादाटिका लगाएर प्रवेश गरेका छन् । राजगढ गाउँपालिका वडा नम्बर १ मा एमालेका कामेश्वर यादवको नेतृत्वमा सामूहिक रुपमा जसपा नेपालमा प्रवेश गरे । बिष्णुपुर गाउँपालिका वडा नम्बर ४ का दिनेश झा, सुरेश झा, छोटेलाल खंगसहितका नेताहरुले जसपा नेपालको सदस्यता लिएका छन् ।

कांग्रेसका रामरतन राय, सञ्जय राय, जनमत पार्टीका रामसुन्दर रायसहितका नेताहरुले जसपा नेपालको नीति सिद्यान्तलाई रोजेर पार्टी प्रवेश गरेका छन् । अध्यक्ष यादवले नवप्रवेशीहरुलाई स्वागत गर्दै पार्टी नीति तथा सिद्धान्तलाई आत्मसात गर्दै चुनावी अभियानमा होमिन आग्रह गरेका छन् ।

त्यसैगरी, जनमत पार्टी परित्याग गरी सरोजकुमार यादव, सुनिल कुमार शर्मा, कमल शर्मा, बिरेन्द्र शर्मा, बलराम सुतिहार, शत्रुधन सुतिहार, कृष्णा यादव, सुरेन्द्र कुमार यादव सहितका कार्यकर्ताहरु जसपा नेपालमा प्रवेश गरे । डाक्नेश्वरी नगरपालिकाको वडा नम्बर ४ कुशहामा नेकपा माओवादी परित्याग गरी केन्द्रीय सदस्य अच्छेलाल साह, स्थानीय नेता बच्चेलाल साहको नेतृत्वमा कार्यकर्ताहरु समेत जसपा नेपालमा प्रवेश गरेका छन् ।

सप्तरी क्षेत्र नं. ३ का प्रतिनिधि सभा उम्मेदबार एवं जसपा नेपालका अध्यक्ष यादव चुनावी अभियानमा सक्रिय भएपछि जसपा नेपालको बढ्दो जनलहरसँगै पार्टी प्रवेश अघियानले झन् तीब्रता पाएको छ । प्रतिनिधिसभा सदस्यमा सप्तरी क्षेत्र नम्बर ३ बाट उम्मेदवार बनेका उनलाई स्वागतसँगै विभिन्न पार्टी परित्याग गरी जसपा नेपालमा प्रवेश गर्ने लहर चलेको हो ।

अध्यक्ष यादवसँगै चुनावी अभियानमा सक्रिय रहेका पार्टी केन्द्रीय सचिव शैलेन्द्र प्रसाद साहका अनुसार अध्यक्ष यादव पुग्ने हरेक गाउँटोल र आफ्नै घरदैलोमा प्रत्यक्ष भेट्ने अवसर पाएपछि सर्वसाधारण जनता उत्साहित भई पार्टी प्रवेश गर्ने क्रम तीब्र बनेको छ ।