काठमाडौं । प्रभु बैंकको प्रमुख कार्यकारी अधिकृत (सीईओ) मा सुमन शर्मा नियुक्त भएका छन् । मंगलबार बसेको बैंक सञ्चालक समितिको बैठकले शर्मालाई चार वर्षका लागि सीईओमा नियुक्त गर्ने निर्णय गरेको हो ।

यसअघिका सीईओ अशोक शेरचनले राजीनामा दिएसँगै रिक्त पदमा बैंकले शर्मालाई नियुक्त गरेको हो ।

अनुभवी र कुशल बैंकरको पहिचान बनाएका शर्माले बैंकिङ क्षेत्रमा बैंकिङ क्षेत्रमा ३ दशकको अनुभव सँगालेका छन् । यसअघि उनी माछापुच्छ्रे बैंकमा २१ महिना र त्यसपछि छोटो समयको लागि सनराइज बैंकको सीईओ बनेका थिए । यसबाहेक उनीसँग ग्लोबल आईएमई बैंक, एनएमबि बैंक लगायतमा काम गरेको अनुभव छ ।

शर्माले त्रिभुवन विश्वविद्यालयबाट अर्थशास्त्र तथा भौतिकशास्त्रमा स्नातकोत्तर डिग्री हासिल गरेका छन् भने नेदरल्याण्डको मास्ट्रिक्ट स्कूल अफ म्यानेजमेन्टबाट एमबिए स्नात्तकोत्तर गरेका छन् ।