इराककाे बगदादमा रहेको अमेरिकी दूतावासमा शनिबार बिहान भएकाे क्षेप्यास्त्र प्रहारबाट दूतावासमा रहेकाे हवाई रक्षा प्रणालीको एक भागमा क्षति पुगेकाे अलजजिराले खुलासा गरेकाे छ ।

अलजजिराका अनुसार इराककाे अमेरिकी अड्डाहरू र हितहरूलाई लक्षित गरी आक्रमणहरू बढ्दै गएका छन्। अमेरिकी दूतावासले अमेरिकी नागरिकहरूलाई तुरुन्तै इराक छोड्न आग्रह गर्दै अलर्ट जारी गरेको छ ।

अर्काेतर्फ इराकी सशस्त्र गुटहरूले देशमा रहेका अमेरिकीहरूको बारेमा जानकारीको लागि एक लाख डलरसम्मको पुरस्कार प्रदान गर्ने रिपोर्टहरू छन्।

इराकभरि र उत्तरी इराकको कुर्दिश क्षेत्रमा, अड्डाहरू र विमानस्थलहरूमा अमेरिकी सेनाहरू गोलीबारी भएका छन्। एउटा अड्डा प्रहार हुँदा एक फ्रान्सेली सैनिकको मृत्यु भएको थियो।