काठमाडौं । सेयर बजार परिसूचक नेप्सेमा सोमबार सुधार आएको छ ।

केही दिनयता लगातार ठूलो अंकले घटिरहेको नेप्से आज ८३.३३ अंकले बढ्दै २ हजार ७६०.०२ अंकमा उक्लिएको हो ।

नेप्सेको पहिरो नरोकिएपछि बिहानै स्टक ब्रोकर एसोसिएसनका प्रतिनिधिहरूसँग भेट गरेका अर्थमन्त्री डा. स्वर्णिम वाग्लेले लगानीकर्ताहरुलाइ नआत्तिन र छिटै सुधार हुनेमा आशावादी हुन लगानीकर्ताहरूलाई आग्रह गरेका थिए, जसको प्रभाव आजकै बजारमा देखिएको छ ।

बजारमा आज १० अर्ब ९२ करोड ८५ लाख रुपैयाँ बराबरको कारोबार भएको छ ।