काठमाडौं । केही दिनयता नेपाल स्टक एक्सचेञ्ज (नेप्से)मा उतारचढाव देखिएको छ ।

अघिल्लो साताभर नै ओरालो लागेको नेप्से यो साता सुधार देखिए पनि आशातित सुधार भने देखिएको छैन । यो साताको पहिलो दिन हरियाली देखिएको नेप्से घट्ने र बढ्ने कायमै छ ।

साताको कारोबारको पाँचौं दिन आज विहीबार पुनः दोहोरो अंकको गिरावट आएको छ ।

आज नेप्से १४.५८ अंकले घटेर दुई हजार ८ सय ७६ दशमलव ७५ विन्दुमा रोकिएको छ ।

नेप्सेका अनुसार विहीबार वीन नेपाल लघुवित्त वित्तीय संस्था र बुद्धभुमि नेपाल हाइड्रोपावर कम्पनीको शेयरमूल्यमा उच्च वृद्धि भएको छ ।
त्यस्तै, आरएउमडीसी लघुवित्त वित्तीय संस्थाको र पोखरा फाइनान्सको शेयरमूल्य ३ प्रतिशत भन्दा बढीले घटेको छ ।

त्यस्तै, विहीबार नेप्से घटेपनि कारोबार रकम भने उच्च वृद्धि भएको छ । आज ८ अर्ब ६१ करोड २१ लाख बराबरको कारोबार भएको छ ।

कारोबारको आधारमा विहिबार सबैभन्दा बढी अरुण भ्याली हाइड्रोपावर कम्पनीले ८२ करोड ७० लाख भन्दा बढीको कारोबार भएको छ ।