काठमाडौँ । ओमानमा शुक्रबारदेखि सुरु भएको चार देशीय टी २० सिरिजको दोस्रो दिन आज नेपालले युएईसँग खेल्ने भएको छ । खेल मस्कटस्थित अल अमरेट क्रिकेट मैदानमा नेपाली सयम अनुसार ११ः४५ बजे खेल सुरु हुने छ ।

पहिलो खेलमा नेपालले घरेलु टोली ओमानलाई ६ विकेटले पराजित गरेको थियो । सोही लयलाई कायम राख्दै प्रदर्शन गर्ने लक्ष्यमा रहेको नेपालले आज युएईसँग प्रतिस्पर्धा गर्ने भएको हो ।

नेपालसहित चारै टोली ग्लोबल क्वालिफायर खेल्दै छन् । त्यसैको तयारी गर्न चार देशले सिरिज खेलेको हो । नेपालले अन्तिम खेल सोमबार आयरल्याण्डसँग खेल्ने छ ।