कुवेत । कुबेतका दुई उपप्रधान तथा रक्षा र गृह मन्त्रीले राजीनामा दिएका छन् । दुवै जनाको राजीनामा कुवेतका राजाले स्वीकृत पनि गरिसकेका छन् ।

रक्षा मन्त्री शेख हमद जाबेर अल अलि अल सबाह र गृह मन्त्री शेख अहमद मन्सुर अल अहमद अल सबाहले राजीनामा दिएका हुन् ।

दुवै जना उपप्रधानमन्त्री पनि थिए । त्यहाँको राजदरबारबाट जारी वक्तव्यमा दुवैको राजीनामा स्वीकृत गर्दै उनीहरुले सम्हाल्दै आएको जिम्मेबारी तत्कालका लागि अन्य दुई मन्त्रीलाई दिइएको उल्लेख गरिएको छ ।

उपप्रधान तथा रक्षा मन्त्रालयको जिम्मेबारी विदेश राज्य मन्त्री शेख अहमद नासिर मोहम्मद अल सबाहलाई थप गरिएको छ भने तेल, जल तथा विद्युत् र ऊर्जा मन्त्री मोहम्मद अल फारिसलाई कार्यवाहक गृह मन्त्रीको जिम्मेबारी दिइएको छ ।