काठमाडौँ । नेपाल ट्वान्टी–२० विश्वकप छनोट क्रिकेटको सेमिफाइनलमा प्रवेश गरेको छ ।

आज क्यानडासँगको खेलमा नेपाल ८ विकेटले विजयी भएको हो ।

मात्र ८१ रनको लक्ष्य पाएको नेपालले निर्धारित २० ओभरको खेलमा ३५ बल बाँकी छँदै लक्ष्य भेटाएको हो ।

जीतसँगै नेपाल सबै तीन खेल जितेर समूह ‘बी’ को विजेताको रूपमा सेमिफाइनलमा पुगेको छ।

बिहान भएको खेलमा बहराइनसँग २ रनले पराजित भएको यूएई समूह उपविजेता भएर सेमिफाइनल पुगेको छ भने आयरल्यान्डले जर्मनीलाई ७ विकेटले पराजित गरी समूह विजेता बन्दै सेमिफाइनलमा प्रवेश गरेको छ ।

यसअघिको दुई खेलमा नेपालले ओमानलाई ३९ र फिलिपिन्सलाई १ सय ३६ रनको फराकिलो स्कोरले जितेको थियो ।

अब नेपालले भोलि मङ्गलवार हुने सेमिफाइनलमा यूएईसँग खेल्नेछ।