काठमाडौँ । राष्ट्रिय प्रजातन्त्र पार्टी (राप्रपा) धादिङको उपाध्याक्षमा दीपा तामाङ चयन भएकी छन् । उनी नेपाल विद्युत प्राधिकरणका प्रमुख कार्यकारी निर्देशक कुलमान घिसिङकी पत्नी हुन् ।

तामाङलाई रुबिभ्यालीबाट प्रतिनिधित्व गर्ने गरी जिल्ला उपाध्यक्षमा चयन गरिएको राप्रपाले जनाएको छ । राप्रपा बेनीघाट रोराङबाट उपाध्यक्षमा शालिकराम सिलवाललाई चयन गरेको छ

राप्रपा धादिङले माघको दोस्रो साता १८ जना मनोनित गर्दै ४७ जनाको जिल्ला कमिटी बनाएको थियो । धादिङ राप्रपाको अध्यक्ष ध्रुव खनाल हुन् ।

कुलमान भने रामेछापका बासिन्दा हुन् ।