काठमाडौँ । ‘सबल बैंक, सफल सहकार्य’को भिजनलाई आत्मसाथ गर्दै २७ वर्षदेखि अनवरत रुपले सञ्चालन भएको महालक्ष्मी विकास बैंक लिमिटेडकोे स्थगित २० औँ वार्षिक साधारण सभा सम्पन्न भएको छ । बैंकका अध्यक्ष राजेश उपाध्यायको अध्यक्षतामा साधारण सभा सम्पन्न भएको हो ।

यसैगरी वार्षिक साधारण सभाले सञ्चालक समितिले प्रस्ताव गरेबमोजिम आर्थिक वर्ष २०७७–७८ को सञ्चित मुनाफा रकमबाट शेयर धनीलाई हाल कायम चुक्ता पुँजीको २० प्रतिशतका दरले बोनस सेयर र बोनस शेयरमा लाग्ने कर प्रयोजनार्थ १.०५२६ प्रतिशत नगद लाभांश दिने भएको छ ।

सभाका अध्यक्ष उपाध्यायले शेयर धनीहरुबाट प्राप्त सल्लाह सुझावलाई शिरोधार्य गर्दै बैंकले आगामी दिनमा थप प्रगति हासिल गर्ने बताए । साथै शेयर धनी तथा बैंकसँग सम्बन्धित सम्पूर्ण सरोकार पक्षहरुले पुर्याउन भएको सहयोगको लागि धन्यवाद प्रकट गरे ।

स्थगित २० औँ वार्षिक साधारण सभाबाट संस्थापक समूह (क) बाट राजेश उपाध्याय, संजय गिरी र दिपक कुमार रौनीयार र सर्वसाधारण समूह (ख) बाट श्याम सुन्दर रुङ्गटा, राहुल अग्रवाल र रुपेन्द्र पौडेल संचालक पदमा निर्वाचित भएका छन् ।