काठमाडौँ । नेपाल बैंकका कर्मचारी र ग्राहकले पोखराको चरक मेमोरियल हस्पिटलमा उपचार गर्दा विशेष छुट पाउने भएको छ । बैंक अस्पतालबीच भएको सम्झौता बमोजिम बैंकमा कार्यरत कर्मचारीलाई अस्पतालको १५ प्रतिशत र ग्राहकलाई १० प्रतिशतसम्म छुट हुने व्यवस्था गरिएको हो ।

सम्झौतामा अस्पतालका तर्फबाट अध्यक्ष रामचन्द्र रेग्मी र बैंकका प्रमुख कार्यकारी अधिकृत कृष्ण बहादुर अधिकारीले हस्ताक्षर गरेका थिए । उक्त कार्यक्रममा अस्पतालका संचालका समिति अध्यक्ष रामचन्द्र रेग्मीले गुणस्तरिय स्वास्थ्य सेवा उपलब्ध गराउँदै आएको जानकारी गराए । उनले नेपाल बैंक लिमिटेडसँग सहकार्य गर्न पाउँदा खुसी लागेको बताए ।

त्यसैगरी, बैंकका प्रमुख कार्यकारी अधिकृत अधिकारीले गण्डकी प्रदेशअन्तर्गत पोखराको स्वास्थ्य सेवामा आफ्नो विशेष स्थान बनाउन सफल चरक मेमोरियल अस्पतालसँग सहकार्य गर्न पाएकोमा आभार व्यक्त गरे । साथै उनले यस विशेष छुट सुविधाबाट कर्मचारी तथा ग्राहक लाभान्वित हुने विश्वास व्यक्त गरे ।